Avgiftsfritak bør vera lik for alle flåtegrupper

Nærings- og fiskeridepartementet

postmottak@nfd.dep.no

CO2-AVGIFT FOR FISKEFLÅTEN

Pelagisk Forening viser til unntaket, for avgiftsplikt, for skip som skal gå direkte til utanlandsk hamn. Som kjent blei unntaket oppheva, for fiske og fangstfartøy, frå 1. juli 2025.

12. juli varsla regjeringa at endringa skulle reverserast. No er altså avgiftsunntaket tilbakeført. Pelagisk Forening meiner at dette er positivt, og «eit skritt i rett retning.»

Det er òg positivt at myndigheitene vil refundera avgift som er betalt i perioden dette unntaket ikkje gjaldt.

Pelagisk Foreining vil gjera merksam på at avgifta, inkludert avgiftsunntaka, slår ulikt ut for ulike deler av fiskeflåten. Dette fordi store deler av kystflåten ikkje har høve til å unngå avgifta ved å bunkra i utlandet, eller ved å bunkra i Noreg før dei går direkte til utanlandsk hamn. Dette fordi fartøya i kystgruppa er mindre, har mindre tankkapasitet, og kortare rekkevidda. Mange kystfartøy er heller ikkje sertifisert for å kryssa ope hav.

Dette medfører at CO2-avgifta slår heilt ulikt ut for ulike deler av flåten.

Pelagisk Foreining er innforstått med prinsippet om at den som forureinar skal betala, og at fiskerinæringa må bidra i det «grøne skiftet», men meiner at det er viktig å sjå avgifta i det store biletet. Som kjent er fisk blant verdens sunnaste, reinaste, og mest berekraftige mat. Altså mat med svært lågt co2-avtrykk per kg mat. Det er dårleg for klimaet dersom avgifter fører til at enkelte fiskeri blir avvikla fordi fiskeria blir ulønsame pga. avgifter, og matbehovet blir erstatta av mat produsert med større co2-avtrykk. Dette vil òg vera negativt for norsk eksport, og arbeidsplassar langs kysten.

Folketalet i verda aukar stadig. Menneska blir meir og meir avhengig av mat frå havet, og Noreg har nokre av dei beste forutsetningane i verda for å produsere denne svært miljøvennlege og sunne maten. Då blir det for enkelt å bruke prinsippet om at forureinar skal betala.

Siktemålet med klima- og miljøavgifter er ikkje fiskale, men å motivera til endring til meir klima- og miljøvennlege alternativ.

Så lenge det ikkje finnes realistiske utsleppsfrie alternativ er co2-avgifta i røynda fiskal, og det er urimeleg å avgiftsbelegge fiskerinæringa med ei avgift det ikkje er mogeleg å unngå.

Dagens ordning, med betaling av avgift, og delvis refusjon, medfører òg vesentlege administrative kostnadar.

Pelagisk Forening meiner at co2-avgifta bør fjernast, noko som er i tråd med Stortingets flertall. Det er viktig at avgiftsfritak slår likt ut både for den havgåande flåten og kystflåten.