Publisert: 3. okt. 2024

Høyringssvar. Innblanding av torsk under minstemål.

INNBLANDING AV FISK UNDER MINSTEMÅL NORD FOR 62 GRADER NORD

Pelagisk Forening viser til høyringsbrev av 20.8.24.

Pelagisk Forening ser at det er naudsynt å verna kysttorskbestanden, men meiner at det er viktig at torskevernet ikkje gir reguleringar som fører til problem for andre fiskeri. Dvs. fskeri der det er lite innblanding av torsk.

Pelagisk Forening meiner at det er positivt at direktoratet foreslår endringar, i regelverket, for legga til rette for utøving av fiskeri.

Omsynet til fiskarane sitt rettsvern tilseier at reglar ikkje må vera for kompliserte. Reglane må heller ikkje vera slik at det er uråd å unngå å bryta reglane over tid.

Som kjent blei minstemålet for torsk auka frå 44 til 55 cm. Dette innanfor 4-mila. Utanfor 4-mila gjeld framleis minstemålet på 44 cm.

Dirketoratet skriv at «Notatet avgrenser seg til fiske nord for 62 grader nord med konvensjonelle redskaper og trål.» Det er vel forbode å fiska med trål innanfor 4-mila?

«Det foreslås justeringer eller bortfall av en tilleggsadgang for snurrevadfiske etter torsk i Finnmark, og Fiskeridirektoratet ber om tilbakemeldinger på dette.»

Pelagisk Forening meiner at reglane, for dette fiskeriet, ikkje må bli strengare enn kva reglane er i dag. Tvert om.

«I tillegg foreslås det i utgangspunktet at torsk, hyse og sei i nord unntas fra minstemålsbestemmelsene når andelen og mengde i enkeltfangster er under visse grenser. Dette for å bedre legge til rette for fiskerier med liten innblanding av torsk.» Pelagisk Forening støttar dette.

«Fiskeridirektoratet ber om tilbakemeldinger på en slik tilnærming med avgrensning av andel og mengde, men også om rimelige grenseverdier. Det presiseres at det er vanskelig å finne objektive grenser og at disse kan bli aktuelle å justere etter hvert som nye data og erfaringer blir tilgjengelig.» Pelagisk Forening meiner at det er viktig med hyppige evalueringar.

«I tillegg til temaene det konkret bes om tilbakemeldinger på, tar Fiskeridirektoratet også gjerne imot innspill på alternativer til forslagene.»

Pelagisk Forening meiner at reglane må vera:

• Enkle
• Ikkje vanskeleggjera fiskeri der det er lite innblanding av torsk.
• Evaluerast ofte.
• Endrast dersom det er naudsynt.
• Opning av stengte felt må ikkje vera avhengig av tilgangen på inspektørar for å bli opna att. Stengte felt må opnast automatisk etter maksimalt 14. dagar.
• Primært bør minstemålet vera 44 cm i perioden 1. juni til 31. desember.
• Ta omsyn til fiskarane sitt rettsvern.
• Ta omsyn til at ved små fangstar kan små kvantum undermåls fisk føra til store relative skilnadar.
• Små kvantum fisk under minstemål må ikkje føra til gebyr, inndraging og/eller straff.

Direktoratet skriv at «Fiskeridirektoratet har fått tilbakemeldinger som tyder på at regelen både kan være vanskelig å forstå og ikke minst vanskelig å kontrollere. Dersom regelen skal videreføres foreslås det å ta bort skillet mellom 44 og 55 cm lengde og inkludere torsk, hyse og sei i beregningsgrunnlaget. Den vil med dette bli parallell med dagens femte ledd som gjelder hyse med line i Øst-Finnmark. En hensiktsmessig innblandingsadgang kan tenkes å ligge et sted mellom 15 og 20 %. Forslaget blir da som følger:

«Ved fiske etter torsk med snurrevad i statistikkområde 03 og 04 er det i perioden fra og med 1. juni til og med 31. desember tillatt å ha til sammen 17,5 % torsk, hyse og sei under minstemål i antall i de enkelte fangster.»

Pelagisk Forening er uvisse på kva minstemålet blir dersom direktoratet faktisk «ta bort skillet mellom 44 og 55 cm lengde». Pelagisk Forening tar meiner at minstemålet må vera 44 cm, og støttar eventuelt forslag om dette.

«Fiskeridirektoratet ber i første rekke om tilbakemelding på om en økt adgang til å ha torsk under minstemål for snurrevadfiske etter torsk i statistikkområdene 03 og 04 i andre halvår anses som nødvendig og formålstjenlig.» Pelagisk Forening svarar eit klart ja på dette spørsmålet. Me forstår det slik at det er lite, om ingen, torsk over 55 cm i dette området. Minstemålet bør vera 44 cm, og lovleg innblandingsprosent bør aukast.

«Det bes også om tilbakemelding på den foreslåtte endringen der andelen av torsk, hyse og sei under minstemål maksimalt kan være 17,5 % ved fiske etter torsk.» Pelagisk Forening meiner at innblandingsprosenten er høveleg dersom minstemålet er 44 cm.

Når det gjeld blandingsfiske støttar Pelagisk Forening forslaget om justering dersom minstemålet er 44 cm og at det er lov med 17,5 % innblanding.

Pelagisk Forening støttar endring i haustingsforskrifta § 49 slik at mindre mengder undermåls torsk, både relativet og absolutt, blir lovleg.